MAHALAGANG PAALALA
Mariin pong ipinapa-alala ng Embahada sa lahat ng ating mga kababayang Filipino sa Cambodia na siguraduhing mag-apply ng renewal ng kanilang pasaporte na may pagitan na walong (8) buwan bago ito mag-paso o mag-expire.
Ayon sa patakarang pinaiiral ng mga ibang bansa, ang pasaporte ng isang dayuhang manlalakbay ay kinakailangang valid ng hindi kukulang sa anim (6) na buwan. Halimbawa, kung ang isang Philippine passport holder ay maglalakbay sa ibang bansa mula ika-01 hanggang ika-09 ng Disyembre 2017, ang kaniyang pasaporte ay kinakailangang valid hanggang ika-09 ng Hunyo 2018.
Subalit ang patakarang ito ay hindi ipinapa-iral sa mga Philippine passport holders na uuwi sa Pilipinas. Maaaring gamitin ang Philippine passport pabalik ng Pilipinas kahit ang validity nito ay kulang na sa anim (6) na buwan.
Ang processing time ng passport renewal applications ay maaring tumagal ng anim (6) hanggang walong (8) linggo. Upang maiwasan ang anumang abala at suliranin sa inyong paglalakbay, lahat ng mga Filipino sa Cambodia ay aming pinapa-alalahanan na mag-renew ng pasaporte walong (8) buwan bago sa nakatakdang expiry date.
ika-1 ng Marso 2017, Phnom Penh
