Naranasan mo na bang hanapan ka ng OEC o Overseas Employment Certificate sa airport ng Pilipinas bago ka palabasin ng bansa?

Kailangan mo ba ng tulong pinansyal para sa mga pinag-aaral na kamag-anak sa Pilipinas?

Mayroon ka bang kapamilya na kailangan ng regular na pagpapagamot sa Pilipinas?

Gusto mo bang malaman kung paano maaaring palaguin ang ipon mo sa pamamagitan ng interes na mas mataas pa sa interes na ibinibigay ng mga bangko?

Mayroon bang lupa ang inyong pamilya, ngunit walang nakatayong bahay dahil kulang pa sa budget?

KUNG ANG IYONG KASAGUTAN AY OO sa mga katanungang ito.... inaanyayahan ka naming dumalo sa Multi-Agency Mission na gaganapin sa TA PROHM HOTEL, SIEM REAP sa 3-4 October 2015 (Sabado at Linggo) para makinabang sa mga paliwanag at briefing na ibabahagi ng mga kinatawan ng DOLE, POEA, OWWA, PAG-IBIG, PHILHEALTH, AT SSS tungkol sa mga bagay na ito.

Maliban sa mga presentasyon ng mga ahensiyang ito tungkol sa benepisyo ng pagiging miyembro, sila ay magbibigay din ng onsite services, katulad ng pag-isyu ng  Overseas Employment Certificates (OECs), pag-register ng mga bagong miyembro at renewal ng membership ng SSS, PAG-IBIG Fund, at Philheath.

Ang Embahada naman ay magbibigay ng serbisyong konsular katulad ng passport extensions and renewals, contract verification at legalization. Ang Embahada ay tatanggap din ng aplikasyon para sa Embassy ID at Overseas Voters’ Registration.

Mangyari po lamang na tingnan at basahin ang listahan ng mga requirements at karagdagang impormasyon na kasunod ng anunsyong ito.

Dahil sa hindi maiwasang dahilan, ang briefing ng Inter-Agency Council Against Trafficking (IACAT) at legal consultations na handog ng Integrated Bar of the Philippines ay ipagliliban muna sa ibang petsa.

Makibahagi po at alamin ang mga karapatan at tungkulin ng isang mamamayang Pilipino sa Cambodia!!!

MARAMING SALAMAT AT KAMI AY UMAASA SA INYONG PAGDALO!

Maaari pong tumawag sa mga numerong ito para sa mga karagdagang tanong:

023 222 303

098 888 924