“DUGONG ALAY NG MGA PILIPINO PARA SA CAMBODIA”
Bilang paghahanda sa ika-65 na Anibersaryo ng Pagtatag ng Relasyong Diplomatiko sa pagitan ng Pilipinas at Cambodia sa ika-20 ng Agosto, ang Pasuguan ng Pilipinas sa Cambodia ay nag-oorganisa ng proyektong “Dugong Alay ng mga Pilipino para sa Cambodia” na gaganapin sa ika-13 ng Agosto 2022, Sabado, mula ika-2:00 ng hapon hanggang ika-5 ng hapon sa Pasuguan ng Pilipinas sa Phnom Penh.
Magiging mas makabuluhan ang paggunita ng Anibersaryo sa pamamagitang ng pagtugon natin sa pangangailangan ng Cambodia ng dugo. Ayon sa pamahalaan ng Cambodia, nangangailangan ito ng higit 250 bag ng dugo bawat araw o higit 100,000 bag ng dugo sa bawat taon.
Inaanyayahan na magpalista ang mga Pilipinong interesadong makibahagi sa programang ito sa pamamagitan ng pag-rehistro sa link sa baba hanggang ika-9 ng Agosto:
Paalala sa mga Pilipinong nais magbahagi ng dugo:
- Mula 18-60 taon lamang ang pinapayagang magbigay ng dugo
- Dapat ay may bigat na 45 kgs pataas
- Nasa magandang kalusugan
- Para sa mga nabakunahan, kailangan ng 21 araw bago makapagbigay ng dugo
- Para sa mga nakapagbigay ng dugo, kailangang maghintay ng 3 buwan (para sa mga lalaki) at 4 na buwan (para sa mga babae) bago maaaring magbigay ulit ng dugo
- 350 ml ng dugo ang kukunin sa bawat tao
- Magdala ng passport o ID sa Agosto 13.
- Magkakaroon ng health screening sa Agosto 13 para sa lahat ng nagpalista bago mag-alay ng dugo.
Para sa iba pang katanungan, ipadala lang po ito sa email address na This email address is being protected from spambots. You need JavaScript enabled to view it..
Magkita kita tayo sa Agosto 13 sa Pasuguan!
15 July 2022, Phnom Penh
